Црвена Звезда, по голема драма и изведувањето на пеналите, стигна трофејот во Купот на Србија!
Во финалето кое се играше во Лозница, Црвена Звезда беше во бездната, откако Војводина имаше 0-2 по првото полувреме, и 1-2 се до последните секунди од средбата.
Но, белграѓани во 96.минута преку Родриго успеаја да израмнат на 2-2, и да го однесат финалето до продолженија па потоа, откако немаше промена на резултатот, и до пенали.
А, во пенал-рулетот дури седум серии, а во последната серија голманот на Црвена Звезда, Матеус, успеа да го одбрани пеналот за трофеј на Црвена Звезда, 30-ти во Купот во историјата на клубот. За Црвена Звезда ова е и шеста година по ред како ја освојува двојната круна во Србија.
Во редовите на Војводина беше и поранешниот младински репрезентативец на Македонија, Владан Новевски кој оваа сезона повторно е дел од новосадскиот клуб, во една од најдобрите години за клубот, откако претходно играше за Вождовац и Кабел.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
