Ѓорѓе Каплановиќ повеќе не е член на Куманово откако српскиот центар го раскина договорот со „сино-белите“, поднесувајќи тужба до арбитражниот суд БАТ за да си го наплати договорот што го имаше со овој македонски прволигаш.
Србинот бил незадоволен поради долговите на управата кон кошаркарите, а трпението го загубил на почетокот од оваа седмица, кога дефинитивно решил да си замине, воопшто не доаѓајќи на понеделниот дуел со Академија ФМП.
Куманово се соочува и со сериозна резултатска криза, овој тим има четири порази во серија во домашното првенство, поради што е неизвесна и иднината на тренерот Ѓоргиевски.
„Сино-белите“ се обидуваат да издејствуваат враќање на Американецот Ливингстон, кој не се снајде најдобро по трансферот во Младост Земун, но најпрвин ќе мора да се решат финансиските проблеми и долговите кон актуелниот играчки кадар.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
