Воочи дуелот со Новак Ѓоковиќ во четвртфиналето на Ролан Гарос, шпанскиот тенисер Пабло Карено Буста говореше за дуелот на УС опен на кој Србинот доживеа дисквалификација. Карено-Буста беше ривал на Ѓоковиќ во мечот во кој тој несмасно ја погоди главната судијка по што беше дисквалификуван.
„Мислам дека тоа беше пех. Ова е тешка ситуација за него. Знам дека не сакаше тоа да го направи. Понекогаш е подобро да се заборави и да се продолжи понатаму. Мислам дека Новак е неверојатен тенисер, и одлична личност. Понекогаш не можеме да ги контролираме емоциите. Мораме тоа да го направиме. Понекогаш не е лесно. Ќе биде тежок натпревар. Го освои Рим пред две седмици, а лесно добива мечеви и во Париз“, изјави Карено-Буста.
Натпреварот од четвртфиналето е закажан за среда, а тениската јавност го очекува поради целата ситуација која што се случи на УС опен.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА