Хрватска доживеа и втор едноподруго пораз во квалификациите за ЕП 2024 по што сериозно си ја искомпликува својата позиција на патот до нов настап на собирот на најдобрите на Стариот континент следната година.
По поразот (0-1) од Турција во Осијек, Хрватите вечерва загубија и на гостувањето од Велс со 2-1, по што сега со Велшаните низ последните две кола ќе се борат за пласман на ЕВРО 2024.
А, таму веќе сигурно е Турција која со 4-0 славеше против Летонија па сега е со шест бода предност во однос на Хрватска и Велс.
Велшаните имаа предност и од 2-0 против „коцкестите“ со головите на Вилсон во 47. и во 60. минута.
Wales V Croatia 1-0 – 1st goal by Wales by H Wilson..…⚽️🏴 #Wal #walvcro pic.twitter.com/s1iDMXO7Cg
— The WestGate Cardiff (@WestGateCardiff) October 15, 2023
Хрватска единствено успеа да го ублажи поразот со погодокот на Пашалиќ во 75. минута.
⚽️GOAL | Mario Pasalic
75’ | 🏴 Wales 2 – [1] Croatia 🇭🇷
pic.twitter.com/9aYOzaRd1w— Prince (@Prin__ceee) October 15, 2023
Велшаните се со предност на табелата во однос на Хрватска поради подобриот меѓусебен скор. Но, Хрватска до крајот има два полесени дуели, против Летонија и против Ерменија, додека Велшаните гостуваат на Турција и ја пречекуваат Ерменија.
И во Групата Е и тоа како компликувана ситуација до крајот на квалификациите откако Полска вечерва киксираше пред своите навивачи против Молдавија, ремизирајќи 1-1.
Молдавците први поведоа со голот на Николаеску во 26. минута, но Свидерски во 53. минута израмни на 1-1.
Полска сега е со само 10 бода, три помалку од водечката Албанија но и натпревар помалку, а Молдавија се останува со шанси за пласман на ЕП 2024.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
