Нема да има ништо од голема борба за победа откако Макс Верстапен веќе ја заврши трката по првиот круг за Големата награда на Монако, додека Кими Антонели го задржа водството пред дуото на Ферари.
На улиците на Монте Карло се очекуваше голема битка, а многумина веруваа дека Макс Верстапен од втората стартна позиција може сериозно да го загрози Кими Антонели во борбата за победа.
Сепак, место спектакл, следеше вистински шок.
Четирикратниот светски шампион остана целосно закопан на почетокот на трката, а додека другите возачи брзаа кон првата кривина, Ред Булот на Верстапен речиси и не се помрдна.
Холанѓанецот падна на самиот крај од редоследот за само неколку секунди, а првите информации сугерираат дека станува збор за технички проблем на неговиот автомобил.
Разочарувањето кај навивачите на Ред Бул беше огромно бидејќи денес Верстапен имаше вистинска шанса да се приклучи во борбата за победа, особено по одличните квалификации во кои освои место во првиот стартен ред.
Проблемите продолжија и по стартот, па Верстапен сврти во гаражата по првиот круг и се откажа од трката.
MAX VERSTAPPEN, START ALAMADI!pic.twitter.com/q1zkur3MWr
— Sarı Bayrak (@saribayrak) June 7, 2026
Така, една од најголемите приказни на денот заврши речиси пред трката дури и да започне.
Кими Антонели најмногу профитираше, бидејќи го задржа првото место без поголеми проблеми и по почетните километри води пред дуото на Ферари.
Луис Хамилтон моментално ја зазема втората позиција, додека Шарл Леклер е трет и пред домашната публика се обидува да најде начин да го нападне својот соиграч.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
