Тренерот на Голден Стејт Вориорс, Стив Кер, не се штедеше да го пофали Лука Дончиќ, по натпреварот кој неговиот тим го загуби од Далас Маверикс. Мавс славеа со 124-97, а 20 – годишниот Словенец имаше 20 поени, осум скока и две асистенции.
„Тој е одличен за НБА. Важен е за лигата и нема врска што доаѓа од Европа, туку со тоа што е фантастичен кошаркар. Различен е. Неверојатно е како во еден момент ме потсетува на Лери Бирд, во друг на Џејмс Харден, па тоа е невозможно“, изјави Стив Кер.
Дончиќ сезонава просечно бележи по 28,9 поени, 9,6 скока и 8,8 асистенции по натпревар и е најзаслужен што Далас има скор од 25 победи и 15 порази.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА