Вкупно 83 милиони евра изнесува буџетот на 18 клубови во ракометната Бундеслига за сезоната 2018/2019. Најбогат во најсилната ракометна лига во светот е Кил со 9,5 милиони евра на располагање за оваа сезона, а финансиски најслаб во друштвото на милионерите е Лудвигсхафен со годишен буџет од 1.2 милиони евра.
Рајн Некар Левен за кој настапува македонскиот репрезентативец Филип Талески, има втор буџет во Германија од 6.5 милиони евра исто како и Фленсбург. Големата четворка ја затвора Фуксе Берлин со годишен буџет од 6 милиони евра.
Вецлар кој капитенски го предводи Филип Миркуловски на располагање има 4 милиони евра.
Споредбено со сезоната 2015/2016, кога бундеслигашите имаа вкупен буџет од 74,85 милиони евра, сезонава има зголем,ување за нешто повеќе од 10%.
Со просек од 4,61 милион евра по клуб, Германија е малку под францускиот просек кој изнесуваше 5 милиони евра по клуб во сезоната 2017/2018 година. Французите се уште ги немаат објавено буџетите на ракометните клубови за новата сезона, но тие сигурно и годинава нема да бидат под оваа бројка. Далеку пред сите други спроред финансиите и понатаму е ПСЖ кој минатата сезона имаше буџет од 17,7 милиони евра што е речиси двојно повеќе од буџетот што го има на располагање најбогатиот германски клуб Кил.
Буџети на гермснките клубови за сезоната 2018/2019:
- Kiel: 9,5
- Flensburg: 6,5
- Rhein Neckar Löwen: 6,5
- Füchse Berlin: 6
- Göppingen: 5,2
- Magdeburg: 5
- Melsungen: 5
- Erlangen: 5
- Leipzig: 4,9
- Hannover: 4,5
- Gummersbach: 4
- Stuttgart: 4
- Wetzlar: 4
- Minden: 3,5
- Lemgo: 3,5
- Bergischer: 3,2
- Bietigheim: 1,5
- Ludwigshafen: 1,2
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА