Интер е актуелен шампион на Италија, „нероаѕурите“ имаат максимални шест бода по првите две рунди, па со улога на фаворити ќе влезат во дербито на третото коло во кое за противник ќе го имаат Наполи.
Ривалот во минатото коло загуби дома од Комо, но Кристијан Киву е внимателен и свесен дека „наполитанците“ никако не смеат да се потценат, особено бидејќи на нивната клупа седи Масимилијано Алегри. Романецот ги загуби двете лански средби од Алегри, тогаш како тренер на Милан, со минимални 1-0, и не крие дека со максимален респект гледа кон утрешниот противник.
„Макс Алегри е тренер за кого имам исклучително високо мислење, отсекогаш сум го почитувал. Никој не смее да ги заборави неговите шест шампионски скудета, доволна потврда за квалитетот. Ние како млади тренери имаме што да научиме од оние повозрасните, особено од оние што освојуваа трофеи често како Алегри. За среќа, дербито Интер – Наполи нема да го играат тренерите, туку играчите на терен. А моите фудбалери се подготвени, одлично работеа цела седмица и знаат што треба да сторат за да победат. Уште е почеток на сезоната и не сме во топ-форма, но знаеме колку е важен овој натпревар и ќе сториме се за да победиме“, изјави Киву во пресрет на утрешниот дуел на „Џузепе Меаца“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
