Клеј Томпсон повеќе не е кошаркар на Далас Маверикс, а кариерата ќе ја продолжи во дресот на Мајами Хит. Искусниот шутер постигна договор со Далас за раскин на соработката и како слободен агент ќе потпише со тимот од Флорида.
Томпсон во Далас пристигна во 2024 година, по 13 сезони поминати во Голден Стејт Вориорс. Со Маверикс потпиша тригодишен договор вреден 50 милиони долари, но неговиот престој во Тексас траеше само две сезони.
Во периодот поминат во Далас, 36-годишниот кошаркар во просек постигнуваше 12,9 поени по натпревар, со 38,7 проценти успешност за три поени.
Сега Томпсон се сели во Мајами, каде ќе има задача да го засили шутерскиот потенцијал на тимот и ќе игра покрај ѕвездите како Јанис Адетокунбо и Бам Адебајо. Хит долго време покажуваа интерес за искусниот бек.
Томпсон зад себе има блескава кариера во Голден Стејт, каде освои четири шампионски титули во НБА и петпати беше избран за Ол-стар. Во Мајами ќе се обиде да донесе шампионско искуство и прецизен шут од далечина во новиот состав на Хит.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
