Александар Костоски беше во главна улога при победата што ја забележа неговиот тим Питешт над Тимба Темишвар, со убедливи 95-78 за крај на регуларниот дел од сезоната во романскиот шампионат.
Македонскиот репрезентативец беше расположен за игра и делуваше незапирливо за противниците, постигнувајќи 22 поени со одличен шут 8/10 од поле (6/8 за тројка, 2/2 за два поени). Покрај поените, Костоски реализираше и пет скока и две асистенции, со што беше најзаслужен за убедливата победа на својот тим.
Питешт успеа да се пласира во горниот дел од табелата и ќе биде дел од Топ 6 разигрувањето за титулата, силни натпревари на кои Костоски ќе мора да продолжи во ист стил за неговиот тим да може да се вмеша во битката за највисок пласман.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
