Најверните фанови на ФК Вардар, навивачката група Комити преку соопштение реагираше на последната одлука на ФФМ сезоната да биде прогласена за завршена без да биде именуван шампион. „Вардарци“ имаа огромна предност во однос на ривалите и се наоѓаа на чекор до титулата, но со најновиот развој на настаните избраниците на Александар Васоски сепак не стигнуваат до трофејот што го заслужија со игрите на терен.
Комити бараат одлуката да се преиспита, со порака дека „во зависност од неа ќе се донесе став дали од вонредна ќе се влезе во воена состојба“…
Соопштението на Комити го пренесуваме во целост:
Штотуку добивме информации дека Фудбалското првенство е прекинато поради вирусот Ковид19. Се шпекулира дека иако Вардарци заслужено на терен создадоа недостижна предност од 10 поени, сепак првенството ќе било поништено. Веднаш контактирани се сите институции надлежни за ова прашање и кажано ни е дека сеуште нема одлука што понатаму и шпекулациите за сега се неточни.
Будно следиме што се случува и во зависност од одлуката ќе донесеме став дали од вонредна влегуваме во воена состојба!
Се надеваме на праведни одлуки кои ќе соодвестствуваат со ситуацијата на првенствената табела а тие се:
1) Продолжување на првенството откако ќе се смири ситуацијата со вирусот (асимтоматскиот) со којшто ќе треба да живееме во “новата нормалност”
2) Прекин на првенството и прогласување на Вардар за Шампион, и заверување на 11-та титула во Македонија и вкупно 12-та Шампионска титула вклучувајќи ја онаа во СФРЈ.
Секоја одлука која е спротивна на овие ќе значи девалвирање на трудот на младите момчиња кои на спортски, чесен и коректен начин ја стекнаа предноста на зелениот терен, но уште повеќе тенденциозност и директен напад на Вардар, Црвено Црната армија и навивачката група Комити Запад.
Овие момци заслужија титула !!!
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
