Екипата на Комо приреди големо изненадување во второто коло од Серија А, откако со 2:1 славеше против Наполи на стадионот „Диего Армандо Марадона“.
Гостите одлично го започнаа натпреварот и дојдоа до водство во 17. минута. Мартин Батурина ја затресе мрежата на домаќините по асистенцијата од Асане Диао за 0:1.
Наполи успеа да одговори во 30. минута. Расмус Хојлунд се најде на вистинското место по додавањето од Амир Рахмани и со прецизен удар го израмни резултатот на 1:1.
Сепак, радоста на домаќините траеше само четири минути. Во 34. минута Батурина му асистираше на Анастасиос Дувикас, кој погоди за ново водство на Комо – 1:2.
Комо во првиот дел беше подобар противник, со поголем посед на топката и повеќе упатени удари кон голот на Наполи. На полувремето гостите заслужено заминаа со предност од 2:1.
Во продолжението Наполи се обиде да стигне до израмнување, но Комо продолжи да игра организирано и да го контролира натпреварот. Домаќините направија и промени во нападот, но не успеаја да го најдат патот до мрежата на гостите.
Така, Комо ја сочува предноста до самиот крај и стигна до голема победа на „Марадона“, додека Наполи претрпе пораз во својата прва домашна средба сезонава.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
