Ирскиот ММА борец Конор МекГрегор приреди синоќа тотален хаос во Бруклин напаѓајќи минибус кој превезуваше УФЦ борци.
По дивјачкиот напад, њујоршката полиција го уапси Ирецот кој во моментов е во притвор со обвиненија за напад. Тешки повреди во нападот добиле двајца борци. Мајкл Киеса заработил тешки посекотини на лицето, додека Реј Борг има повреда на окото и нивните борби на УФЦ 223 се откажани.
Исто така повреден е и еден обезбедувач на кого му е скршен зглобот, а од пописот на борби е тргнат и пријателот на МекГрегор, Артем Лобов поради кого и настана комплетниот хаос.
Лобов неодамна доби шлаканица од Нурмагомедов, а МекГрегор одлучи на дивјачки начин да ја „брани честа“ на својот пријател. Пристигна синоќа во салата со група од околу 20 лица, го нападна минибусот, и предизвика општ хаос.
УФЦ 223 и покрај се ќе биде одржа, но три борби се откажани при што Лобов е исфрлен од натпреварувањето.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
