Јохана Конта испиша историја на женскиот британски тенис откако славеше над Каролин Вознијацки и се закити со трофејот на Мастерс-турнирот во Мајами. Со тоа, таа стана првата Британка што успеал да триумфира на некој од мастерс-турнирите во женска конкуренција.
Откако претходно во четвртфиналето ја изненади Симона Халеп, 25-годишната британска тенисеркa максимално мотивирано влезе во финалето, правејќи брејк при првиот сервис на противничката. Таа го доби стартниот сет со 6-3, за потоа во ист ритам да го одигра и вториот, добивајќи го со 6-4 за освојување на најзначајниот трофеј во досегашниот дел од нејзината кариера.
Успехот во Мајами ќе придонесе да дојде и до нов скок на Конта на ВТА-листата, со што таа од понеделник ќе биде седморангирана светска тенисерка.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
