Се чини дека Реал Мадрид ќе мора да започне да ја обновува својата одбрана на крајот на сезоната. После „ќор-сокак“ во преговорите со Серхио Рамос, исто така и друг дефанзивец би можел да го напушти „Сантијаго Бернабеу“. Станува збор за Рафаел Варан, кој решил да го напушти клубот на крајот на сезоната.
Шпански „АС“ вели дека одлуката не е поврзана со желбата да се добие договор со поголема годишна заработка, туку Французинот сака нов предизвик, а тоа најверојатно ќе биде во Премиерлигата. Пред неколку години имаше слични написи на медиумите дека тој може да го засили Манчестер Јунајтед, а тогаш „кралскиот клуб“ јасно стави до знаење дека Варан не е на продажба, но сега ситуацијата е поинаква.
Клубот ќе разгледа понуди за 27-годишниот стопер, кој во моментов, според проценката на „Трансфермаркт“, се проценува на 70.000.000 евра. Во моментов има три имиња кои можат да бидат потенцијална замена за Варан, а најзвучно е името на фудбалерот од Барен Минхен, Давид Алаба, чиј договор со „баварците“ истекува на лето, но тука се и одличниот стопер на Севилја, Жил Кунде и дефанзивецот на Вилјареал, Пау Торес.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА