Десниот бек на Мешков Брест, Џанис Криштопанс (27), од следната сезона ќе го носи дресот на Вардар. Летонскиот џин (215 см.) доаѓа како замена за Алекс Душебаев кој заминува во Кјелце. Во интервју за полскиот портал „Спортове факти“, Криштопанс вели дека воопшто не се двоумел околу својот трансфер во редовите на македонскиот шампион, затоа што за него тоа била понуда што не се одбива.
„Вардар ми даде одлична понуда. За мене ова е можност да се развивам како играч и да напредувам. Мислам дека тоа е вистинското место каде што може да се добие повеќе искуство и да растам како играч. Имав повеќе понуди, но Македонците беа најконкретни, па одлуката за неме воопшто не беше тешка“ – вели Џанис Криштопанс.
Десниот бек на репрезентацијата на Летонија, кариерата ја почна во домашниот Латголс, шест години потоа настапуваше за Татран Прешов, извесно време мина и во редовите на катарскиот Ал Рајан, а од 2015 година го носи дресот на Мешков Брест.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
