Поранешниот македонски младински репрезентативец, Кристијан Николов, се враќа назад во татковината откако потпиша договор со екипата на МЗТ Скопје.
Николов важеше за еден од најголемите таленти во мак-баскетот, но пред неколку години се откажа од македонскиот пасош и се пресели во Турција, облекувајќи го дресот на Галатасарај. Тој настапуваше и во Евролигата за овој турски гигант, но во последните години неговата кариера не се движеше во посакуваната насока.
МЗТ Скопје и пред неколку години контактираше со Николов, тогаш не беше постигнат договор, но овојпат разговорите на двете страни вродија со плод, па младиот плејмејкер денеска и официјално го стави потписот на договорот со актуелниот шампион. Николов и Магдевски, кои своевремено заедно настапуваа во младинските категории на нашите репрезентации, а сега заедно ќе бидат дел од МЗТ Скопје.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
