Кристијано Роналдо го победи коронавирусот, објави неговиот клуб Јувентус со што им донесе радост на многубројните фанови на португалскиот репрезентативец. Големиот ас дваесетина дена беше во самоизолација откако за време на репрезентативната пауза беше објавено дека тој е позитивен на Covid-19.
„Кристијано Роналдо денеска повторно беше тестиран на коронавирус. Резултатот беше негативен. Фудбалерот по 19 дена успеа да се излечи и повеќе не се наоѓа во самоизолација“, објави Јувентус на официјалната веб-страница.
Португалецот од утре ќе се приклучи на тренинзите на „старата дама“, а огромни се шансите тој да се појави во тимот веќе на неделното гостување против Специја.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
