Играчот од средниот ред на Реал Мадрид и еден од најтрофејните играчи на денешницата Тони Крос, верува дека идејата за формирање на Супер-лигата и натаму постои, и дека во иднина ќе се оствари. Супер-лигата е проект кој траеше само два дена, а пропадна поради реакцијата на навивачите и клубовите.
Прв службено се откажа Мачестер Сити, а тоа предизвика домино ефект меѓу клубовите, па така се повлекоа и Арсенал, Челси, Ливерпул, Јунајтед и Тотенхем. Останатите клубови заговорници на оваа идеја беа Реал Мадрид, Барселона, Атлетико Мадрид, Јувентус, Интер и Милан.
Овој концепт и натаму се споменува, а германскиот фудбалер е убеден дека еден ден ќе се случи.
„Очигледно дека идејата и натаму постои. Ќе биде потребно време да се подготвиме за Супер-лигата која јас веројатно нема да ја видам како активен играч. Но, Супер-лигата ќе се случи. Не знам кога, но ќе се случи“, рече Крос.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
