Роналд Куман беше бесен на главниот судија поради недосудениот пенал за стартот на Менди врз Бреитвајт, одлука што директно влијаеше врз конечниот исход на големото дерби и поразот на Барселона од 2-1.
Барса пропушти шанса да се искачи на врвот на табелата, па каталонскиот гигант сега заостанува еден бод зад водечките Реал и Атлетико (тимот на Симеоне има и меч помалку од избраниците на Куман).
„Судиите се тие кои треба да ги прифатат одлуките на ВАР-помошниците. Пеналот беше чист како солза. Навистина чист. А сега ние сме тие што треба да молчиме и да ја прифатиме судиската одлука. Сите видовте, нели беше пенал. Не разбирам зошто се користи ВАР во Шпанија кога судијата не сака да погледне повторно ако ВАР-помошникот го повика да стори такво нешто“, прокоментира Куман и ја напушти прес-конференцијата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
