Кошаркарите на Куманово го претрпеа вториот пораз во БИБЛ оваа сезона, откако на домашен терен, по продолжение, загубија од бугарскиот тим Академик бултекс со 86-90. Во драматична завршница, кумановци успеаја да се изборат за продолжение со поените на Караџовски (79-79) иако губеа во поголемиот дел од регуларниот тек од натпреварот. Во дополнителните пет минути исто така беше неизвесно.
Но, Академик имаше повеќе сили и поголема концентрација и дополнителниот период го доби со 7-11.
Димитар Караџовски со 23 поени беше најефикасен во составот на Куманово, а Јаневски уфрли 18. Кај гостите, најрасположен за игра беше Мартин Дурчев со 28 поени.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
