Претседателот на Барселона, Жоан Лапорта, закажа состанок со тренерот на каталонскиот клуб, Роналд Куман, во врска со фијаското што се случи против Леванте. Каталонците имаа предност од 2-0 на полувремето, а на крајот натпреварот заврши со резултат 3-3. По таа грешка тие испаднаа од трката за шпанскиот шампион, па Атлетико и Реал Мадрид ќе ја продолжат борбата за првото место.
Сите во Барселона се во шок, а првиот човек на клубот сака тренерот да му претстави детална анализа на лошите резултати, со посебен акцент на последниот натпревар против Леванте.
Лапорта е првенствено заинтересиран за тоа што не е добро во тимот, како може да се промени за следната сезона, какви се односите во тимот, но и за односот тренер-тим. Покрај тоа, тој сака да знае како се чувствува Куман во врска со целата ситуација, што воопшто не е пријатно.
Според „Депортиво Мундо“, повикувајќи се на свои извори од клубот во Барселона, Лапорта не размислува за промена на Куман.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА