Кире Лазаров со Нант ја почна жетвата на трофеи пред стартот на новата сезона. Францускиот тим трета година по ред е победник на претсезонскиот турнир „Шпаркасе Куп“ во Германија.
Во финалето на турнирот, Нант славеше минимална победа против Гепинген (27-26). Францускиот тим имаше контрола на играта и на резултатот и во поголемиот дел од натпреварот, убедлива предност. Гепинген успеа да се приближи во финишот, но не и да ја загрози победата на актуелниот европски вицешампион.
За Нант ова е четврта победа во серија во подготовките пред стартот на новата сезона. На првата контрола во Лисабон, францускиот тим ја победи Бенфика, а потоа избраниците на тренерот Тиери Анти постигнаа три победи по ред на „Шпаркасе Куп“, против Штутгарт, Есберг и во финалето против Гепинген.
Следна проверка за тимот на Нант ќе биде дуелот против Шартр во Франција, а потоа Лазаров и некогите клупскио колеги ги очекува настапот на турнирот во Стразбур на кој ќе игра и Вардар.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
