Леброн Џејмс, еден од најдобрите кошаркари на сите времиња, многу ја изненади американската спортска јавност. Тој дошол во Сан Франциско и таму во Чејс центарот каде се игра Ол-стар натпреварот и присуствувал на презентацијата на играчите, но само еден час пред натпреварот да објави дека најголемите НБА ѕвезди нема да играат.
Со тоа заврши серијата на Леброн од рекордни 20 настапи (2005-2024) на најпрестижното кошаркарско шоу.
„Сè уште чувствувам болка во стапалото и зглобот. За жал, нема да играм вечерва поради тоа. Се надевав дека ќе се чувствувам подобро кога ќе се разбудам, но не беше она на што се надевав. Со оглед на тоа што преостанаа 30 натпревари на Лејкерси од регуларната сезона и нашата желба да притискаме колку што е можно посилно на Западот, чувствувам дека е важно да водам сметка за себе и да разберам што доаѓа“, рече Џејмс.
Леброн требаше да игра во тимот на Шекил О’Нил во новиот Ол-стар формат заедно со Стеф Кари, Кевин Дурент и Ентони Дејвис.
Ол-стар натпреварот вообичаено беше пресметка меѓу најдобрите играчи од Источната и Западната конференција, но оваа сезона има мини-турнир со четири тима, и се играат вкупно три натпревари – две полуфиналиња и едно финале.
Од секоја конференција влегуваа по осум играчи, по што легендите на НБА и денешните стручни коментатори Шекил О’Нил, Чарлс Баркли и Кени Смит ги избраа своите тимови. Поранешната американска кошаркарка Кендис Паркер имаше тим од нови ѕвезди.
Ноќта од неделата кон понеделникот, избраниците на Чарлс Баркли го совладаа тимот на Кени Смит со 41:32, додека тимот на Шекил О’Нил ги надигра избраничките на Кендис Паркер со 42:35. Во финалето избраниците на Шек славеа со 41:25 над кошаркарите на Баркли.
LeBron James says he will not play in tonight’s All-Star Game. pic.twitter.com/0rOfjcPxpz
— Mike Curtis (@MikeACurtis2) February 16, 2025
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
