Божиќната НБА понуда нема воопшто да загуби на атрактивност со оглед дека клучната празнична пресметка ќе биде комплетна. Дуелот на ривалите од Лос Анџелес ќе биде комплетен, Леброн Џејмс и Ентони Дејвис ќе бидат дел од тимот на „лејкерс“. Двајцата имаат повреди, но тоа нема да ги спречи да им се спротивстават на ланскиот МВП, Каваи Ленард и на „клиперс“.
Џејмс пропушти еден натпревар поради истегнат мускул и повредата на препоните која му се провлекува подолго време. Дејвис пак имаше помали проблеми со повреда на коленото.
„Мораме да бидеме сигурни дека нашите играчи се здрави и дека паметно ја контролираат енергијата во овој период од годината. Мора да имаме в предвид дека е во прашање маратон“ – вели во пресрет на дуелот, тренерот на Лејкерс, Френк Вогел.
Лејкерс се во серија од три последовни порази, првпат оваа сезона се во ваква ситуација, но и натаму се водечки тим на Западната конфереција. Со „клиперс“ играа на отворањето на сеозната и тогаш славеше тимот на Ленард.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
