Леброн Џејмс веќе има три шампионски титули во НБА лигата и е доминантен во најсилното кошаркарско натпреварување во светот последнава деценија. И покрај потврдената големина и квалитет, Џејмс никако не може да избега од постојаните споредби со Коби Брајант и со Мајкл Џордан. Тој пак тврди дека не е во трка за докажување и признава дека Џордан му бил силен мотив на патот кон кошаркарската слава.
„Беше божествено. Постојано го зборувам тоа и секогаш ќе го повторувам. Беше како да го среќаваш Господ за првпат. Така ми беше мене кога на 16 години се запознав со Мајкл Џордан“ – вели Леброн објаснувајќи како го доживеал Џордан на првата средба.
Оваа изјава на Џејмс не е нова, но тој ја повтори во пресрет на дуелот на неговиот Лос Анџелес Лејкерс и Шарлот, екипата чиј сопственик е Мајкл Џордан.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
