ЛА Клиперс се наметнуваат како први фаворити во НБА лигата откако по стартната победа на градскиот ривал Лејкерс, сега ги декласираа Голден Стејт Вориорс со 141-122. Клиперс во текот на целиот меч беа подобар противник, а им успеа тоа што често изминатите години Вориорси им го правеа на противниците, а тоа е постигнување на над 140 поени.
Кавај Ленард со 21 и Лу Вилијамс со 22 поени беа први имиња во победничкиот табор, додека кај Голден Стејт Стеф Кари уфрли 23 поени.
Јанис Адетокумбо со трип-дабл учинок го предводеше Милвоки во победа над Хјустон од 117-111. Иако Рокетс беа подобри во три четвртини од натпреварот, сепак со фуриозна завршница Милвоки успеа да стигне до победа на мечот. Грчкиот кошаркар дуелот го заврши со трипл-дабл учинок од 30 поени, 13 скока и 11 асистенции. Кај Хјустон Весбрук постигна 24, додека Харден натпреварот го заврши со само 19.
Во најмалку интересниот натпревар од вечерта Атланта беше подобра од Детроит нагости со 100-117. Тре Јанг беше прво име во победничкиот табор со 38 поени.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА