Англискиот премиерлигаш Лестер се вклучува во трката за турскиот интернационалец Мерих Демирал од Јувентус. Дефанзивецот не добива голема шанса во во италијанскиот првак по доаѓањето во Торино, а тоа сака да го искористи Брендон Роџерс и да го доведе во Премиер – лигата. Сепак, ќе има жестока конкуренција и во Арсенал, Тотенхем и Интер, кои исто така би сакале да го доведат одличниот централен одбранбен фудбалер. Лестер е подготвен да плати 25 милиони фунти за Демирал.
Тој не успеа да се наметне кај Маурицио Сари покрај Леонардо Бонучи и Матијс де Лихт и најчесто е на клупата за резервни фудбалери во составот на „старата дама“. Демирал импресионираше со игрите во турската репрезентација во квалификациите за ЕВРО 2020.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА