Може ли Лестер до ново европско чудо? Досега неколкупати го ’отпишуваа’ англискиот шампион, но успеваше да направи нова и нова сензација во Лигата на шампионите. „Лисиците“ вечерва на стадионот „Кинг Пауер“ ќе го пречекаат Атлетико Мадрид во реванш натпреварот од четфртфиналето во најквалитетното европско клупско натпреварување, а стратегот Крег Шекспир на располагање ќе го има и капитенот Вес Морган. Со него одбраната сигурно ќе биде многу поцврста, а Лестер има задача да ја надомести негативата од еден гол (0-1) од првиот меч на „Висенте Калдерон“.
Сепак, Лестер нема да биде комплетен, затоа што ќе недостигаат напаѓачот Ислам Слимани и играчот за врска Нампалис Менди. Двајцата се жалат на повреди и нема да му бидат на располагање на менаџерот Шекспир.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
