Најдобрата македонска тенисерка Лина Ѓорческа, доживеа пораз во квалификациите за УС Опен. Ѓорческа не успеа да ја мине ниту првата пречка, откако загуби од јапонската тенисерка Маи Хонтама со 2-0 во сетови (7-6 и 6-3).
Уште на стартот од првиот сет, Јапонката направи „брејк“ за 2-0, потоа Лина успеа да врати и да намали, па повторно да го загуби својот сервис. Јапонката стигна до предност од 4-2, а потоа серија на загубени сервиси за 5-4, па до крај мораше да се решава со тај-брејк, кој го доби Хонтама со 7-1.
Откако го доби првиот, Хонтама лесно го доби вториот. Лина добро се држеше и дојде до 3-3, но потоа загуби сервис, и Јапонката доби на свој сервис 5-3, и на крај да заврши со брејк за конечен триумф.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
