Најдобрата македонска тенисерка Лина Ѓорческа ќе игра против Американката Аманда Анисимова, во историскиот свој прв настап на главниот турнир на најпрестижниот грендслем во светот, Вимблдон!
Откако успешно ги мина квалификациите и стана првата Македонка во историјата која ќе игра на главен турнир на еден грендслем, Лина денеска ја доби и својата противничка за првото коло.
Анисимова е шесторангирана тенисерка во светот, една од најдобрите на денешницата, во самиот светски врв.
Како што е познато, во финалето од квалификациите Ѓорческа на доминантен начин славеше против фаворизираната Италијанка Луција Бронзети (127. место на ВТА листата) со максимални 2-0, по сетови 6-1 и 6-2, и си обезбеди место на главната ждрепка.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
