Најдобрата македонска тенисерка Лина Ѓорческа со победа го почна својот настап на ИТФ фјучерс турнирот во Трнава што се игра за награден фонд од 25.000 долари. Ѓорческа во мечот од првото коло ја совлада квалификантката од Полска Урсула Радванска (33 години, 502.место на ВТА), мечот траеше 75 минути и заврши со резултат 2-0 во сетови (6-3 6-2).
Во првиот сет македонската тенисерка на почетокот направи предност од два гема (3:1 и 4:2), за потоа сетот да го заврши со 6:3 во гемови. Во вториот сет Радванска поведе со 2:1 во гемови, на што следуваше серија од пет гема за македонската тенисерка која сетот го заврши со 6:2.
Ѓорческа во мечот имаше шест брејка од седум можности, а противничката направи два брејка од три шанси.
Противничка на Ѓорческа во второто коло ќе биде победничката од мечот Еала Александра од Филипини и Ана Бондар (втора носителка) од Унгарија).
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
