Шпанскиот мотоциклист Хорхе Лоренцо потврди дека следната сезона ќе биде тест возач на јапонскиот производител на мотори, Јамаха. Лоренцо ја заврши кариерата на крајот на минатата сезона во Мото ГП, по лошата сезона која ја имаше во таборот на Хонда.
„Среќен сум што можам да кажам дека потпишав договор со Јамаха, во која ќе бидам тест возач. Сакам да му помогнам на тимот најдобро што можам и се надевам дека моето искуство ќе им помогне на возачите и механичарите како би можела Јамаха повторно да ја освои титулата“, порача Лоренцо.
Најголемите успеси во кариерата 32-годишникот ги имаше во кралската класа, каде со Јамаха освои три шампионски титули (2010, 2012 и 2015 година).
?? “I’m very happy to announce I just signed an agreement with Yamaha to join their Test Team. I want to do my best for Yamaha’s future, and I hope my riding experience will be helpful to engineers and riders to bring the title back to Yamaha.” pic.twitter.com/sa5wewSNPy
— Jorge Lorenzo (@lorenzo99) January 30, 2020
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
