Македонскиот кошаркарски шампион МЗТ Скопје по воведниот триумф од пред две недели, вечерва го забележа првиот пораз во второто по ранг регионално натпреварување, АБА 2 лигата. Тие вечерва беа поразени на гостувањето во Црна Гора кај Сутјеска со 83-77.
Аеродромци одиграа одлично во дефанзивата во првото полувреме па на пауза заминаа со позитива 27-37. Избраниците на Васко Атанасов како да се изгубија во вториот дел, а домаќините со одлична игра успеаја да стигнат до целосен пресврт и конечен триумф од 83-77.
Смит Мекјуен со 20 поени беше прво име во таборот на МЗТ Скопје, додека кај победникот Кристофер Мартин постигна 19 поени.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
