Луис Суарез конечно го избра името на новиот клуб каде што уругвајскиот ветеран ќе ја продолжи својата кариера. Иако имаше опции за враќање во Европа, Суарез сепак на крајот се реши да се пресели во Мексико и следната сезона да ја мине во дресот на Круз Азул.
Славниот мексикански клуб има девет репрезентативци во своите редови, но разочарувачки ја заврши ланката сезона на седмата позиција. Желбата е во новиот шампионат Круз Азул повторно да се бори за титулата, за што сериозен адут се очекува да биде токму Суарез. Трансферот според најавите ќе биде официјализиран на почетокот од јануари, но сите детали се веќе договорени и нема сомнеж дека Суарез во 2023 година ќе го носи дресот на мексиканскиот клуб.
За потсетувањето, Луис Суарез по извонредната кариера низ Европа пред неколку месеци се реши да потпише за уругвајски Насионал, тимот во кој ја почна својата блескава кариера. Откако помогна на оваа екипа да стигне до титулата во Уругвај, Суарез повторно е слободен за трансфер и очигледно сака пред да се збогува од фудбалот да заигра уште на еден континент.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
