Лука Дончиќ ја освои НБА лигата, но и навивачите ширум светот уште на половина од дебитантската сеозна. Тоа го покажува огромниот број гласови што младиот Словенец ги добива за Ол-стар викендот. Само Леброн Џејмс е пред него во Западната конференција, а вкупно уште само Јанис Адетокумбо има поголема бројка гласови.
Ѕвездата на Далас на третиот пресек на гласањето за викендот на „сите ѕвезди“ стигна до над три милиони гласови што е популарност каква што одамна немал ниту еден дебитант. Зад Дончиќ останаа големите ѕвезди како Стеф Кари, Кевин Дурант, Кајри Ирвинг, Ентони Дејвис.
Ол-стар викендот годинав ќе се одржи во Шарлот од 15. до 17. феверуари. Гласањето на навивачите е 50 проценти од вкупнат бројка гласови, уште по 25 проценти доаѓаат од медиумите и од играчите. Ќе бидат формирани два тима чии капитени ќе бидат кошаркарите со најголем број гласови.
The latest NBA All-Star vote totals … pic.twitter.com/9pkNeJmjsu
— Marc Stein (@TheSteinLine) January 17, 2019
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА