Кристина Љутова испиша тениска историја откако 16-годишната Русинка стигна до титулата во Мемфис, како најмлада тенисерка што освоила трофеј оваа деценија.
Љутова почна како квалификантка на овој турнир, успешно ги мина сите пречки и стигна до финалето, каде славеше над Видманова од Чешка со 2-1 во сетови. Поискусната противничка го доби првиот сет со 1-6, но Љутова експресно се консолидираше и возврати на вистински начин, најпрвин го доби вториот сет со 6-1, а потоа во решавачкиот триумфираше со 6-3.
Оваа победа ќе и донесе на Русинката која живее во САД огромен скок од 103 места на најновата ВТА-листа, таа беше 229. минатата седмица, а на новото рангирање веќе се наоѓа на 126. позиција.
Љутова стана првата 16-годишна тенисерка со ВТА-трофеј по Коко Гоф во Линц во 2019 (Американката тогаш исто така имаше 16 години).
Исто така, Љутова е прва тенисерка по 2023 година што освоила некој турнир на својот дебитантски настап откако тоа и успеа на Марија Тимофеева во Будимпешта.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
