Неверојатниот Лука Дончиќ стана само вториот тинејџер во историјата на НБА лигата која забележал два трипл-дабл ефекти во една сезона. Во поразот од Торонто, Словенецот за Далас постигна 35 поени, имаше и 12 скока и 10 асистенции што сепак не беше доволно да спречи нов неуспех на неговиот тим.
Со ова, Дончиќ станува најмладиот играч кој запишал трипл-дабл ефект со 30 постигнати поени и го урна од лидерската позиција Леброн Џејмс.
Сепак Дончиќ постојано го потврдува приматот во трката за дебитант на сезоната во најсилното кошаркарско натпреварување, а во пресрет на Ол-стар викендот е во очекување да биде избран од тренерите меѓу резервите од кои капитените на стартните петорки ќе избираат тимови за главното натпреварување.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА