Македонската фудбалска репрезентација би можела мартовскиот квалификациски натпревар за пласман на ЕП 2022 против Германците на гостински терен да не го игра во Дуисбург, Германија, како што е првично одредено.
Поради пандемијата на коронавирусот, и максимално строгите здравствени мерки наметнати од германската Влада за сите кои доаѓаат од Германија од земји кои не се членки на ЕУ, можно е Македонија квалификацискиот дуел да го игра во друга европска земја. Како веројатни опции се Букурешт, Романија, или Будимпешта, Унгарија. Но, сето тоа ќе зависи и од тоа дали Германија ќе се одлучи, како што е најавено, за продолжување на целосниот карантин во земјата до крајот на месецот, а кој засега е со важност до 7. март.
Македонија со Германија треба да игра на 31. март со почеток од 20:45 часот на „МСВ Арената“ во Дуисбург.
Како што е познато, токму поради целосниот карантин воведен од германската Влада, и задолжителноста од карантински денови, и дел од натпреварите во Лигата на шампионите на германските тимови изминатиот месец се играа во Унгарија на „Пушкаш арена“ во Будимпешта.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА