Викендов во Коринт, Грција, македонските претставници во традиционалното карате учествуваа на голем меѓународен карате семинар предводен од светската карате легенда Масао Кавазое (10 Дан).
Масао Кавазое е еден од најистакнатите инструктори на традиционалното карате во светот и долгогодишен ученик на Хидетака Нишијама, основач на Меѓународната традиционална карате федерација (ITKF) и втемелувач на современото традиционално карате.
Македонија на овој престижен семинар ја претставуваа Венцислав Недев, Дејан Недев, Камелија Недев, Матеј Јарчевски, Тадеј Недев и Софија Јарчевска.
За време на семинарот беа презентирани и обработени бројни техники, методи и принципи кои се карактеристични исклучиво за традиционалното карате. Учесниците имаа можност директно да учат од еден од најголемите авторитети во оваа боречка вештина, стекнувајќи нови знаења и искуства кои ќе придонесат за понатамошен развој на традиционалното карате во Македонија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
