Македонската делегација утринава пристигна во Пекинг за претстојните Олимписки игри. Нашата земја ќе биде претставувана од тројца спортисти на собирот на најдобрите светски учесници.
По направените редовни тестови за Ковид-19, нашите репрезентативци и нивните тренери денеска се сместени во хотел. Сите се негативни на ковид-19, а според строгите протоколи на Интернационалниот олмиписки комитет, спортистите ќе бидат тестирани секојдневно додека трае нивниот престој во Пекинг.
Инаку, отворањето на Игрите според предвидената програма е закажано во петок на 4.февруари. Прва во Пекинг ќе настапи Ана Цветановска на 5-ти и 10-ти февруари и ќе се натпреварува во крос кантри во дисциплините 7,5 км слободно, плус 7,5 км скијатлон и 10 км класично.
Во крос кантри ќе настапи и Ставре Јада и тоа во две дисциплини, спринт слободно 1,5 км и 50 км слободно на 8. и 19.февруари. Во алпско скијање наш претставник е Дардан Дехари, кој ќе се натпреварува во слалом и велеслалом на 13. и 16.февруари.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
