Веспрем конечно ја прекина серијата слаби игри, па по двата порази во низа во унгарскиот шампионат вечерва славеше со 22-29 на гостувањето против Мезоковезди.
Разочарани по поразот од Рај Некар-Левен во Лигата на шампионите, членовите на унгарскиот гигант сепак најдоа сили да одиграат квалитетен натпревар и да ги освојат бодовите. Во главна улога беше македонскиот репрезентативец Дејан Манасков, кој го заврши натпреварот со седум постигнати погодоци, пет од нив од пенал.
Веспрем и покрај победата заостанува осум бода зад лидерот Пик Сегед, кој има перфектен старт на сезоната, со тоа што тимот на Манасков има и два натпревари помалку од големиот ривал.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
