Грчкиот интернационалец Костас Манолас по завршувањето на оваа сезона ќе ја напушти Рома и ќе се пресели во редовите на Интер. Раководството на „нероаѕурите“ најави големи инвестиции во летниот преоден рок, а Манолас ќе биде првата аквизија за тимот од „Џузепе Меаца“. Интер е подготвен да плати 43 милиони евра за овој трансфер.
Манолас дојде на „Олимпико“ во 2014 година од редовите на Олимпијакос и досега одигра преку 120 натпревари за „волчицата“ постигнувајќи и два гола. Минатото лето беше трансферна цел и на англискиот премиерлигаш Арсенал, но Арсен Венгер на крајот се одлучи да го ангажира Шкодран Мустафи.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
