Голманот на Баерн Минхен, Мануел Нојер вчера против Унион Берлин сруши уште еден рекорд. Со победата од 4-0, Нојер дојде до 311-та победа во Бундеслигата, и така го сруши рекордот на неговиот претходник Оливер Кан.
„Многу сум среќен поради овој рекорд кој претходно го имаше легендарниот Оливер Кан. Ви благодарам на моите соиграчи и сите кои ме поддржуваа во овие години“, напиша Нојер на социјалните мрежи.
Нојер пред Баерн Минхен, бранеше за Шалке, од каде потекнува. Тој е во Баерн веќе 11 години, и пред некое време истакна дека сака да ја заврши кариерата во овој клуб. Со Баерн освои се што можеше да се освои.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА