Австрискиот првак Салцбург ја совлада Шкендија со 3-0 во првиот меч од третото квалификациско коло во Лигата на шампионите. Тимот на Ќатип Османи ’падна’ по прекини на игра, два пенали и погодок на Дабур со удар со глава, по слободен удар.
Тренерот на Салцбург, Марко Росе, смета дека Шкендија била одличен ривал и дека неговиот тим имал навистина тешка задача.
„Ова беше тешка задача за нас. Имавме среќа што постигнавме два гола во првиот дел, а мора да се признае дека и Шкендија имаше свои шанси. На крајот заврши како што посакувавме на овој прв меч, но мораме да одиграме максимално сериозно и во реваншот. Би рекол дека треба да бидеме на 120% од своите можности и во Скопје“, изјави Марко Росе, тренерот на Салцбург.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
