Марко Симоновиќ го раскина договорот со Зенит и е подготвен за камбек во АБА-лигата, но тоа нема да биде во таборот на Црвена Звезда, клуб чиј капитен беше српскиот репрезентативец пред трансферот во Русија.
Новиот проект Цедевита Олимпија е сериозно загреан за да го доведе Симоновиќ во својот табор, а според медиумите од регионот преговорите се во завршна фаза и српскиот интернационалец во најскоро време би требало да потпише двогодишен договор. Новиот хрватско – словенечки проект најавува атак на највисок пласман во АБА-лигата, но се уште не стартувал со мега-трансфери.
Досега се доведени Едо Муриќ, Мартин Крампељ, Саша Загорац и Мирко Мулалиќ. Покрај Симоновиќ, се преговара и за транфер на Јака Блажич, кој стана слободен играч по истекот на договорот со Барселона.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
