Килијан Мбапе ја одби и четвртата понуда на Пари Сен Жермен да го продолжи договорот, бидејќи неговиот сон е да игра за Реал Мадрид. Оваа вест денеска одекна во Франција, па се погласни се најавите дека повеќе не постои сомнеж дали Мбапе ќе го напушти Париз ова лето, бидејќи со негативен одговор по четврти пат јасно стави до знаење дека не сака да остане во овој клуб.
Реал Мадрид и дефинитивно нема конкуренција, претходно се споменуваше Ливерпул, но само за кратко време, „кралскиот“ клуб буквално има отворен пат до потписот на феноменалниот Французин. Мбапе очигледно проценил дека ги достигнал сите граници со Парижаните, ги освоил сите можни трофеи, откако стигнал до финалето во Лигата на шампионите и тоа ќе биде единствениот трофеј што ќе го пропушти.
Постојат многу шпекулации за негови потенцијални замени, Лионел Меси сепак останува цел број еден за ПСЖ, парижаните трпеливо го следат развојот на ситуацијата и се подготвени да му понудат на капитенот на Барселона профитабилен тригодишен договор. Меси засега не носи никакви одлуки, тој е фокусиран на борбата за титулата во Ла Лига. Друго посакувано име е Мохамед Салах, кој повторно скокна во прв план. Египќанецот наводно е незадоволен на „Енфилд“, Мохамед смета дека и тој и тимот го достигнале врвот во 2019 и 2020 година и дека е време за нови предизвици.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
