Фудбалерот на ПСЖ и еден од најдобрите на сите времиња Лионел Меси, би можел идното лето да го напушти тимот од Париз. Аргентинскиот напаѓач наводно нема да го продолжи договорот, и ќе замине како слободен летото 2023 година.
Претходно беше објавено дека Барселона ќе го искористи тоа и ќе го врати Аргентинецот на „Ноу Камп“.
35-годишниот напаѓач сезонава на 11 меча постигна 6 гола и има 8 асистенции.
Меси пристигна во ПСЖ во 2021 година, откако шокантно ја напушти Барселона како слободен агент поради финансиската криза. Сега откако „Каталонците“ се стабилизираа, се погласно се споменува негов „кам-бек“, каде што би можел да ја заврши кариерата. За Барса Меси одигра 520 натпревари во Шпанија, што го прави прв по бројот на настапи во славниот клуб.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА