Лионел Меси ги израдува сите навивачи на Барселона отстранувајќи ги дилемите околу својата иднина со денешниот потпис на новиот договор со каталонскиот гигант, со важност до 2021 година. Актуелниот договор на Меси истекуваше на крајот од сезонава и постоеше опасност тој веќе во јануари да почне преговори со други клубови, се најавуваше офанзива на Манчестер сити, но челниците на Барса успешно ги финишираа преговорите и денеска официјално го „врзаа“ својот најдобар играч и за наредните три сезони, осигурувајќи го неговото останување на „Камп ноу“ најмалку до 34-годишна возраст.
Меси ќе заработува неверојатни 30 милиони евра по сезона, со што значително ќе го мине Кристијано Роналдо со заработувачката во Реал Мадрид, а клаузулата на аргентинскиот ас од 250 милиони евра ќе се искачи на неверојтни 700 милиони евра за оние кои ќе сакаат да го доведат во своите редови.
„Дебитираше за првито тим пред 4.788 дена. Одигра 602 натпревари. Постигна 523 голови. Освои 30 титули. Историјата продолжува. Меси 2021“ – објави каталонскиот гигант.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
