Лионел Меси денеска е промовиран во нов фудбалер на Пари Сен Жермен. Тој на официјалната прес-конференција по повод неговата промоција вели дека му е навистина тешко што ја напушти Барселона, но дека е среќен што ќе потпише со клуб како што е ПСЖ.
„Заминувањето од Барса ми падна многу тешко, но сум среќен што му се придружувам на Пари Сен Жермен кој е амбициозен и клуб од светска класа. Реагираа многу брзо и сериозно веднаш по мојата пресконференција во Барселона минатиот четврток. Пресреќен сум. Навистина е лудо што ќе играм со најдобрите фудбалери во светот. Мојата желба е да ја освојам Лигата на шампионите уште еднаш во кариерата. Мислам дека имаме тим за тоа“, изјави Меси.
Лионел Меси потпиша двегодишен договор со ПСЖ со можност за негово продолжување, а годишно аргентинскиот ас ќе заработува по 35 милиони евра.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА